منتدى الحياة حلوة

اسري
 
البوابةاليوميةالرئيسيةس .و .جبحـثالتسجيلدخول

شاطر | 
 

 حماية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وردة حماية



عدد الرسائل : 1
تاريخ التسجيل : 18/03/2008

مُساهمةموضوع: حماية   الثلاثاء مارس 18, 2008 10:15 pm

السلام عليكم ورحمة الله
كيفكن ؟ ان شالله الكل أمورو منيحة ... ان شالله يا رب


هدا عندي الكن مشروع جديد وحلو ... وهو مشروع " حماية " ضد ادمان المخدرات
والحملة رح تكون على نطاق واسع جدا بتتناول شريحة الوطن العربي بكامله
وهون دورنا نحن لنكون ايجابيين وفعّالين بهالحملة خاصة وانو عدد مدمنين المخدرات في الوطن العربي حوالي ال10 مليون مدمن هي غير المتعاطين !

ومتل ما بتعرفوا انو الادمان والجريمة وجهان لعملة واحدة
الادمان بجر جرائم السرقة والقتل والاغتصاب و ...غيرا من الجرائم البشعة
فوقت منعمل سوا على استئصال هالورم الخبيث اللي عم ينتشر بأجسام جيلنا ..جيل الأمل والمستقبل
منكون عم نمشي بالطريق السليم نحو مجتمع أفضل ومستقبل ببشر بالخير ان شالله

نجاح هالحملة باذن الله ما بيعني انو نحن حققنا الهدف المنشود وبس
وانما الو كتير أبعاد , تحقيق هالهدف والمضي قدماً بالمشروع بيعني انو نحن فينا نقدّم كتير اشيا لمجتمعنا واسلامنا
بيعني انو نحن فينا ننتقل من مشروع لمشروع أكبر ومن حملة لحملة أضخم بخطى واثقة وفرحة المشاركة بنهضة أمتنا
بفخر انو تكون أيادينا هية اللي عم تحمل راية النصر
وحلاوة انو نحيك سوا المستقبل بخيوط من دهب بتتحدى الشمس


عم يقتلوا أهالينا واخواتنا بغزة بس ؟؟

يا ريت الشغلة وقفت لهون !
لأنو هنن تعدّوا حدود الاحتلال وهربولنا السم الهاري " المخدرات " من وقت ما دخلوا على سينا سنة ال67
فاولادنا اللي بغزة عم يتقتلوا برصاص الاحتلال
واولادنا اللي بحضننا عم بتقتلوا بالمخدرات اللي عم يهربوا لبلادنا بأسعار زهيدة صارت بمتناول الجميع

معناتا الأساس انو نصلّح شبابنا من جوا ونحمين حتى نقدر نقود مسيرة قريبة .. مسيرة النصر - باذن الله - ونرجع حقوقنا وأراضينا

منرجع لموضوعنا
يمكن يكون عنا شي 400 فضائية عربية ورح تتعاون باذن الله كم فضائية بينعدوا على أصابع الايدين
بس الشي الحلو انو غير هالكم فضائية المساهمين في الاعلان للحملة
في عنا مئات آلاف الشباب والصبايا اللي رح يشتغلوا كمحطات فضائية واعلانية متحركة بما يخدم الحملة

بدايةً فيكم تحملوا الشعار " اللوغو " تبع الحملة (المرفق التاني ) وتطبعوه وتلزقوه عند أماكن التجمعات الشبابية :الجامعات , المدارس ,النوادي ,المقاهي , ....

(بقية تفاصيل الحملة اللي رح تستمر لمدة 5 اسابيع بدايةً
من 9 مارس ولـ 11 ابريل فيكم تتطلعوا عليها ( من المرفق الأول الموجود بهالايميل

قال الله تعالى :
" وفي ذلك فليتنافس المتنافسون "
" وعجلت اليك ربي لترضى "

لمعلومات اضافية عن الحملة أو المشاريع التانية فيكن تزوروا :
www.amrkhaled.net

موقع صناع الحياة - الامارات :
www.lifemakers.ae

أما موقع صناع الحياة بسوريا (مع نوادي فرعية للمحافظات )
www.forwork.org
أو زيارة جمعية التعليم ومحو الأمية بتجميل الفرقان ورا جانب سعد الزعين بجانب وكالة ريباس - حلب

واذا حبيتوا تشوفوا حلقة الاستاذ عمرو خالد الرائعة ببرنامجو " الجنة في بيوتنا " عم حملة " حماية " فيكن تشوفوا من هون :
http://www.esnips.com/doc/f71d38bf-4cf6-4f51-a262-1e1334d122db/حلقة-الأستاذ-عمرو-خالد-حماية--ضد-المخدرات

معاً .. لنصنع الحياة

" ومن أحياها فكأنما أحيا الناس جميعاً "

أقول قولي هذا وأستغفر الله لي ولكم :)
والسلام عليكم
ورحمة الله
وبركاته




أرجو النشر ولكم الأجر

]
الرجوع الى أعلى الصفحة اذهب الى الأسفل
Admin
Admin
avatar

عدد الرسائل : 634
تاريخ التسجيل : 25/05/2007

مُساهمةموضوع: رد: حماية   الأربعاء مارس 19, 2008 8:31 am

بارك الله فيكم ....وبهذا المشروع الرائع
الرجوع الى أعلى الصفحة اذهب الى الأسفل
http://alhaea-79.almountadayat.com
هديل



عدد الرسائل : 146
تاريخ التسجيل : 26/05/2007

مُساهمةموضوع: رد: حماية   الإثنين نوفمبر 17, 2008 5:12 am

ما شاء الله

جزاكي الله كل خير وحزى كل العاملين بهذا المشروع

الله يحمي اولادنا واولاد المسلمين من هذا الشر
الرجوع الى أعلى الصفحة اذهب الى الأسفل
 
حماية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحياة حلوة :: صنفك الأول :: المنتدى العام-
انتقل الى: